Agjencia Zhurnal.KS
Bota

SHBA padit hakera të shërbimit sekret rus për sulme kibernetike

Shtetet e Bashkuara të Amerikës akuzuan gjashtë hakera nga agjencia ruse e shërbimeve sekret ushtarake, GRU, si përgjegjës për shumë prej sulmeve më të mëdha kibernetike në botë.

Sipas dokumenteve të gjykatës, gjashtë individët dhe bashkëkomplotistët e tyre përdorën viruse shkatërrues për të filluar sulme kibernetike në Francë, Gjeorgji, Holandë, Korenë e Jugut, Ukrainë, Britaninë e Madhe dhe SHBA.

Synimet përfshinin rrjetin energjetik të Ukrainës, zgjedhjet franceze 2017, Lojërat Olimpike Dimërore 2018 në Korenë e Jugut, parlamentin e Republikës së Gjeorgjisë dhe spitalet e SHBA.

“Sot departamenti akuzoi këta oficerë rusë për kryerjen e serive më përçarëse dhe shkatërruese të sulmeve kibernetike që i janë atribuar ndonjëherë një grupi të vetëm”, theksoi John Demers, ndihmësprokurori i Përgjithshëm i SHBA, në një deklaratë.

Të gjashtë të pandehurit janë akuzuar për komplot për të kryer mashtrim dhe abuzim në internet, komplote, mashtrime me pagesë, dëmtim të kompjuterëve.

Ata ishin pjesë e grupit që ekspertët e sigurisë kibernetike e kanë quajtur “Ekipi i Sandworm”. /atsh

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...