Agjencia Zhurnal.KS
Kosovë

Thaçi zbuloi Pllakën e Rezistencës së UÇK-së në Ozdrim të Klinës

Presidenti i Kosovës, Hashim Thaçi ka zbuluar Pllakën e Rezistencës së UÇK-së, në shtëpinë e Fadil Imerit në Ozdrim të Klinës. Kreu i shtetit tha se në këtë trevë ka pasur rezistencë të jashtëzakonshme ndaj pushtuesit serb për të çliruar vendin.

Thaçi nga këtu dha mesazhin për të qëndruar të bashkuar në rrugëtimin për integrime euro-atlantike.

“Sot jam këtu edhe si bashkëluftëtar i juaj, edhe si president i vendit për të treguar respektin për luftën e UÇK-së dhe për gjithë ata heronj që dha kjo trevë, Ozdrimi me rrethinë, heronjtë e kombit dhe gjithë rezistencën e jashtëzakonshme. Këtu çdo shtëpi ishte shtab i UÇK-së dhe çdo qytetar me pushkë në dorë duke ndihmuar ose në rrethana tjera ishin ushtarë dhe luftëtarë të UÇK-së, kështu që në bazë asaj përpjekje, sakrifice arritëm që të çlirojmë Kosovën për të mos u rikthyer Serbia kurrë në Kosovë. Sot jemi vendi i lirë, i pavarur që po zhvillohet dhe vetë e dhëna që këto ndryshime në Ozdrim e në rrethinë dëshmojnë se rrugëtimi ynë për zhvillim, për progres në anëtarësimin e Kosovës në NATO dhe BE janë rrugëtime të pandalshme. Prandaj edhe sot mesazhi im qysh ka qenë në luftë është të qëndrojmë të bashkuar”, tha ai.

Ndërsa, ish komandanti i Zonës Operative të Drenicës, Sami Lushtaku tha se pa luftën e UÇK-së me siguri që Kosova nuk do të ishte e pavarur.

E përfaqësuesi i OVL-UÇK-së dega në Skenderaj, Florim Rrustemi tha se kjo pllakë përkujtimore ka vlerë të madhe.

Në emër të familjes, Naim Musliut tha se me zbulim e kësaj pllake paraqitet një copëz e historisë së Kosovës/KsP.

Postime të ngjashme

Humbin jetën edhe 17 persona nga coronavirusi në Kosovë – konfirmohen 781 raste të reja

S.B.

Haradinaj: Nuk kishim tjetër zgjidhje pos të përballemi me Serbinë

S.B.

Edita Tahiri reagon ndaj deklaratës së Edi Ramës për Kosovën

S.B.

Kurti bën homazhe te varret e presidentit Ibrahim Rugova dhe veprimtarit Adem Demaçi

S.B.

Seanca e Gjykatës së Hagës, avokati i Thaçit: Na jepni materialet që kërkojmë

S.B.

Hoxhaj përkujton 22 vjetorin e bombardimeve të NATO-s: Mision historik në mbrojtjen e të drejtave të qytetarëve për liri

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...